Hogeita hamasei urteko ibilbidea eta gero, Drogetenitturri aldizkariaren azken zenbakia argitaratuko dugu azaroan. Aurrerantzean, Barrena astekarian eta barrena.eus webgunean arituko gara eskualdeko beste herri batzuekin batera. Aro honi amaiera emateko, aldizkarian kolaboratu duten lagunekin (koordinatzaile, artikulugile, argazkilari, laguntzaile, banatzaile....) elkartu, eta talde argazkia atera nahi dugu, urte hauetan proiektua eutsi eta jarraipena eman duzuenoi eskerrak emateko.
Azaroaren 15ean, 13:00etan, plazako aterpe txikian batuko gara, eta Drogetenitturri aldizkaria posible egin duten herritar guztiak daude gonbidatuta. Eskertuko genuke jakinaraztea parte hartuko duzuen 688 63 28 76 telefonora edo drogeten@gmail.com helbidera idatzita. Animatu!
