Udaletik jakinarazi dutenez, azaroaren 2an, zazpi ibilgailuren jabeen salaketak jarri ziren udaltzaingoan, San Antonioko aparkalekuan laga zituzten autoek objektu zorrotz batekin egindako kalteak zituztela salatuz. Egunean bertan patruila gerturatzeaz gain, udalerrian jarritako kamerak aztertu zituzten. Urriaren 31tik azaroaren 1erako gaueko irudietan pertsona bat ikusi zuten, giltz bat eskuan, ibilgailuak marratzen. Horrela, ustezko egilea identifikatu dute eta kalte delituengatik inputatu.
Marradura gehiago
Kaltetu gehiago egon daitezkeela kontuan hartuta, udaltzaingotik salaketa egiteko gomendioa zabaldu dute herritarren artean. Gaur bertan, adibidez, Sakona kalean aparkatutako kotxeak jasan dituen kalteak partekatu ditu sareetan K.S. herritarrak.
