Abenduaren 7an (domekan) egingo da asteburu honetako irteera. Bi ibilbide egongo dira aukeran. Alde batetik, maila ertainekoa: Eugi-Burguete/Auritz, 27 kilometroko ibilbidea, 1700 metroko desnibelarekin. Bestetik, maila errazekoa: Urkiaga - Adi-Eugi, 14 kilometroko ibilbidea, 800 metroko desnibelarekin. Zortzi eta sei ordutan egitea estimatu dute, hurrenenez hurren.
Doako irteera izango da, autobusa bakarrik ordaindu beharko delarik: 10 euroan bazkideek, 12 euroan gainontzekoek. Zazpi plaza geratzen dira libre, beraz, interesa dutenek whatsapp taldera batu daitezke (hemen) eta, bertan, parte hartu nahi dutela adierazi beharko dute idatziz. Irteera 06:00etan izango da Agirre Kirolak paretik; hoteleko geltokian itxaron nahi dutenek, whatsappeko taldetik jakinarazi beharko dute aldez aurretik. Eguraldi ona egingo du, baina elurra egongo denez, polainak, eguzkitako betaurrekoak, eskularruak... eramatea gomendatu dute.