Maiatzaren 4an, Borrokan Barrena izenpean, ekitaldi ugari egongo dira Ermuan, Deba bailarako GKSk antolatuta. Jarraian egitarau osoa:
- 11:30ean, "Egungo gazte langileon egoera aztergai" hitzaldia egingo da Lobiano Kulturgunean.
- 14:00etarako bazkaria antolatu dute. Aukera beganoa eta zeliakoentzako aparteko menua egongo dira, eta tiketak Infreñu tabernan eskuratu daitezke, 5 euroan.
- 17:00etan, “Plaza hau gurea da” antzezlana interpretatuko dute Ekida kultur ekimeneko kideek.
- 18:30ean, eskupilota txapelketa jokatuko da, binakakoan. Apuntatzeko orriak ere Infreñun topa daitezke.
- 22:00etan, kontzertuak eskainiko dituzte Baskbilitx taldeak eta Mutikok; eta, ostean, zabalik utziko dute Eskilarapeko.
Hasierako hitzaldia kenduta, jarduera guztiak plazan egingo dira.