Igande goizean Sevillan jokatu zen Espainiako Kros txapelketan, taldeka 20 urtetik beherako modalitatean bigarren sailkatu zen Durangoko Bidezabal Atletismo taldea, Axpe Aja ermuarra tarteko zelarik. Argazkiak: Isidoro Hernández.

Ia-ia aurtengoa amaitu berritan, laugarren lasterketaren berri ematen hasi dira antolatzaileak. Hiru Txikiaken hiru edizioak "handiak" izan direla garbi esan dezakegu eta datorrena "nobedadez beteta" datorrela agindu dute. Beraz, gogoz espero dugu iragarri duten data: 2025eko irailaren 20a (zapatua) izango da IV. Hiru Txikiak trailaren lasterketa eguna.