Maider Segurolak gidatutako Euskadi Irratiko "Faktoria" magazina Euskal Birusaren opariaren berri emanez ireki zuten atzo, eta koadroa topatu zuen Estibalitz González Solozabal elkarteko lehendakaria izan zuten gonbidatu. Elkarrizketaren zatia goiko audioan entzungai; irratsaio osoa entzuteko bisitatu nahieran edo guau plataformak.

Egun gutxi batzuk atzera, sorpresatxo bat utzi zuen norbaitek Elexosteko bulegoko atean: aspaldiko argazki baten koadroa, ezpainetakoarekin "Euskal Birusa" idatzita eta bihotz bat marraztuta zuena. Elkarteko kideek "hunkituta" jaso dute detailea eta, San Martin azoka prestatzen ari diren eta bazkidetza kanpaina martxan jarri berri duten honetan, "motibazio eta ilusio are handiagoarekin jarduteko pizgarri" izan dela adierazi dute.