Ermuko Udala (PSOE eta PNV) udalerrian bizi diren pertsona guztiak erroldatzeko betebeharra urratzen ari da, bazterketa-eragile bihurtuz, migratzaileentzat batez ere. 2025eko urtarrilean, mehatxuzko abisu arrazista bat jarri zuen Abiapuntuko bulegoetan, biztanleria migratua seinalatuz eta erroldatze-
Gainera, kriminalizazio onartezineko ekitaldi batean, udalak polizia etxeetara bidali du erroldatzeak egiaztatzeko. Neurri errepresibo horrek, pertsonen intimitatea urratzeaz gain, ez du ezer frogatzen: une jakin batean egotea edo ez egotea ez da bizilekuaren froga.
Horrelako neurriek familia kaleberak kriminalizatzen dituzte, beldurra sustatzen dute eta oinarrizko eskubideak (osasuna, hezkuntza eta gizarte-laguntzak) eskuratzeko aukera murrizten dute. Errolda ukatzea eskubideak ukatzea eta prekarietatea indartzea da.
Gainera, elkartasuna zigortu eta komunitate-ehuna ahultzen du.
Eskakizunak:
- 1. "Mehatxu” oharra berehala kentzea.
- 2. Polizialak ez diren froga-mekanismoak ezartzea.
- 3. Erroldatze-baldintzak berrikustea, bidegabeko oztopoak saihesteko.
- 4. Erroldatzea modu sozialean aplikatzea, beste udalerri batzuek egiten duten bezala.
ERROLDATZEA UKATZEAK PERTSONAK ERABATEKO KALTEBERATASUNEAN JARTZEN DITU, ETA PERTSONENTZAKO SISTEMA BIDEZKOAGOA BERMATZEKO BORONDATE INSTITUZIONALIK EZ IZATEAREN ONDORIOAK DITU.
Errolda pertsonentzako eskubidea eta erakundeentzako betebeharra da. Diskriminaziorik eta jazarpenik gabe betetzea eskatzen dugu. Pertsona guztientzako errolda!
Justizia eta duintasunagatik!
SINATZAILEAK:
- Nushu Gazte Feministak.
- Ermuko Emakumeen Asanblada.
- Ermuko Ernai.
- Colibres Ermua.
- Ermua Harrera.
- Ermuko Komite Internazionalistak.
- Ermuko Gazte Asanblada.
- Urko punta.