Urtarrilaren 26an eman ziren Miguel de Unamuno gizarte-zentroko ekintza bandalikoak eta hurrengo egunean bertan gunea ixteko erabakia hartu zuten Udaletik. Gaur, otsailaren 26an, ateak irekiko dituzte berriz, kalteak konponduta eta gunea txunduta.
Lan nagusia komunetan izan dute: Kaltetutako egurrezko ateak ordezten, baldosak konpontzen eta gunea garbitzen. Horrez gain, zentroko sabaiko plaka desmuntagarriak (kolpatuta eta apurtuta zeudenak) eta argiteria elementuak (kolpatutakoak zein urteez zaharkitutakoak) ordeztu dituzte. Instalazio osoan garbiketa orokorra egiteko aprobetxatu dute eta, bide batez ere, Udalaren inbentariotik berreskuratutako piknik mahai bat ipiniko dutela jakinarazi dute.
Hiri eta Zerbitzu Sailetik azaldu dutenez, egin beharreko lan gehienak Udaleko langileek egin dituzte eta kalteek, guztira, 5.900 euroko gastua suposatu dute.
