Ekitaldian Leire Vargas idazlearen poema bat entzun da eta Mahasen Al Khatib artista palestinarra gogoratu dute. Mahasen Palestinarekiko elkartasun euskal mugimenduko kolaboratzailea izan da Gazatik, eta asteburuan Israelen bonbardaketek hil egin dute Jabalian, beste hainbat lagunekin batera. Haren oroimenez eta azken urtean hildako 43.000 palestinarrak gogoratzeko, minutu bateko isilunearekin amaitu da elkarretaratzea.