Ermuko Lauko Errotabarri- Super Amara Bera Bera izango da Euskal Kopako finala

Ermuko Lauko Errotabarri Euskal Koparen finalean arituko da, ostiral honetan Zubileta Evolution BM Zuazoren aurka lortutako garaipenari esker (29-28). Ermuarrek bazekiten aurrean zeukaten taldearen maila, Urrezko Mailan lehenak baitoaz, eta hasiera-hasieratik kemen eta indar guztiarekin irten ziren partidua jokatzera. 

Harmailak bete-beteta zeudela, partidu zirraragarri baten ostean, garaipena lortu zuten. Garaipen honek Super Amara Bera Beraren aurka jokatuko den finalerako txartela ematen die. Finaleko data zehaztu gabe dago.