Israelek Gazako zerrendako kanpaina militarra hasi zuenetik urte eta erdi bete berritan, elkarretaratzeko deia egin zuen Gernika-Palestina Herri Ekimenak, "Lurra, Justizia, Bakea - Genozidioa STOP" lemapean. Ermua Palestinarekin Ekimeneko kideak deialdira batu ziren eta atzo, 19:00etan, elkarretaratzea egin zuten Orbe Kardinalaren plazan. Guztira, 110 ermuar izan ziren protestan.
Argazkia: Ermua Palestinarekin.
Ekimeneko ordezkariek azaldu zutenez, garrantzizkoa da "gizartea kalera ateratzen jarraitzea", eta agintariei "holokausto honen konplize izateari uzteko" eta "genozidioaren arduradunekin dituzten harreman ekonomiko, politiko eta militar guztiak hausteko" eskaera egin zieten.
Oraingo honetan ez zen elkarretaratzerik egin Mallabian, baina bai Debabarreneko leku desberdinetan, tartean: Elgoibarren, Eibarren, Soraluzen eta Deban eta Itziarren. Segidan, leku bakoitzeko protesten irudiak:
Ermua
Elgoibar
Iturria: Barren.eus
Eibar
Iturria: Etakitto.eus
Soraluze
Iturria: Plaentxia.eus
Itziar
Iturria: Berriketan.eus
Deba
Iturria: Berriketan.eus