Urte berriari ongi etorria emateko tradiziozko irteeraz aparte (argazkian ikusgai), 2024ko lehen mendi irteera antolatu du Artarrai Mendi Taldeak zapatu honetarako.
Urkiolako parke naturaletik Arrasateko Udala auzorainoko ibilaldia egingo dute eta, edonork parte hartu dezan, bi ibilbide desberdin planifikatu dituzte. Mendizale bakoitzak hobeki datorkiona aukeratu ahalko du, jarraian xehetasunak:
| A | B | |
| Zailtasuna | Erdi-mailakoa | Erraza |
| Desnibela | 1100m | 375m |
| Distantzia | 17.5km | 16km |
| Ibilbidea |
Urkiola |
Urkiola Besaide Udala |
Ibilaldi biek denbora berbera iraungo dute —zazpi ordu inguru—, mendizale guztiak ordu berean Udalara iritsi eta batera har dezaten Ermurako buelta.
Parte-hartzea doakoa
Debaldeko ekintza izango da: bazkide izan ala ez, edozein mendizalek hartu ahalko du parte. Ordaindu beharreko bakarra antolakuntzatik erreserbatu duten autobusa da, Ermutik ibilbide hasiera joateko. Bus plazak 10 euroko kostua izango du; 12 euro bazkide ez direnentzat.
Irteera Agirre Kirolak paretik egingo dute, goizeko 8etan.
Informazio gehiagorako idatzi artarraimenditaldea@gmail.com helbidera.