Otsailaren 3an egin ziren "Liburuak familian" eta "Liburuez gozatu" irakurketa kluben lehenengo saioak. Bestalde, "Family Reading Time" eta "Entre libros" kluben lehen saioa hilaren 17an izango da eta oraindik badago izena emateko aukera.
Hurrengo asteartean (otsailak 13) bukatuko da inskribatzeko epea eta asteazkenean ezagutaraziko du Udal Liburutegiak onartuen zerrenda. Izena eman daiteke liburutegian bertan, 943 17 92 12 telefonora deituta, WhatsApp bidez edo posta elektronikoz biblioteca@udalermua.net helbidean.
Parte hartzea doakoa da, liburutegiko bazkide txartela izatea eta izena ematea besterik ez da eskatzen.
Family Reading Time
"Liburua da protagonista, eta helburuak dira familian irakurketa-une bat partekatzea, haurtzaro goiztiarrean irakurtzeko ohitura sustatzea eta haurrei abestien eta errimen bidez musikarekin lehen harremana eskaintzea. Ekimen honek, halaber, haurrak aldi berean hiru hizkuntzatara hurbiltzeko balio du: ingelesa, gaztelania eta euskara".
- Hizkuntza: Eleanitza (inglesa, euskara eta gaztelania).
- Saioak: Otsailak 17, martxoak 16, apirilak 20 eta maiatzak 11.
- Ordutegia: 11:00 - 12:00
- Izen-ematea: Zabalik.
Entre libros
"Hainbat dinamika eta jolasen bidez, liburuetara eta liburuetan kontatzen denera hurbilduko dira haurrak: irudimenaren bidez, liburuetan dagoena haur bakoitza gustuko, beldurtzen, motibatzen, dibertitzen edo kezkatzen duenarekin erlazionatuko da". Garrantzitsua da jardueran bere familia-inguruneko pertsona heldu batek lagunduta parte hartzea.
- Hizkuntza: Gaztelania.
- Saioak: Otsailak 17, martxoak 16, apirilak 20 eta maiatzak 11.
- Ordutegia: 12:15 - 13:15
- Izen-ematea: Zabalik.
Liburuez gozatu
"Saio bakoitza hainbat liburutan oinarrituko da eta bertaratzen direnek testuek ematen dizkiguten aukera guztiak eta haietaz nola goza dezakegun ezagutuko dute". Parte hartzen duten haurrek kontalari izateko aukera izango dute gainerako parte-hartzaileentzat.
- Hizkuntza: Euskara.
- Saioak: Otsailak 3, martxoak 2 eta apirilak 13.
- Ordutegia: 11:00 - 12:00
- Izen-ematea: Itxita.
Liburuak familian
"Liburua da protagonista eta hari nagusia: narrazioak, abestiak, jolasak eta poemak izango dira, besteak beste. Umeei laguntzen dieten helduentzat interesgarria izango da liburuak familian irakurtzeko eta gozatzeko moduak ikustea eta entzutea".
- Hizkuntza: Euskara.
- Saioak: Otsailak 3, martxoak 2 eta apirilak 13.
- Ordutegia: 11:00 - 12:00
- Izen-ematea: Itxita.
Informazio gehiago nahi izanez gero deitu Udal Liburutegira.