Abenduaren 13an, Jon Plazaolak 'Tu-tum platz'  umorezko bakarrizketa eskainiko du Txalo Produkzioak-en eskutik Ermuan. Antzokian izango da, 20:30ean, eta sarrerak salgai daude jada. Drogetenitturrik 2 sarrera zozkatuko ditu (albiste barruan parte hartzeko lotura).

Durangaldeko gazteei zuzendutako eta Mallabiko eta Ermuko Udalek sustatutako podcasta da PodGazt. Igandero atal bat kaleratzen dute eta aste honetako gonbidatuak Nahia Rojo eta Ander Prol ermuarrak izango dira. Gaur egungo gizarte aldaketez arituko dira solasean, batik bat, sexologiaren eta genero-teoria sozialen inguruan.