Gaur, San Valentin eguna, Piropo lehiaketara aurkezteko epea zabaldu dute Euskara Sailetik, eta martxoaren 8ra arte (barne) bidali ahalko dira lanak.
Piropoen formatua librea da; baldintza bakarrak: euskaraz idatziak eta ez-sexistak izan behar direla. Bestela, edozein generotako eta edozein adineko pertsonek hartu ahal dute parte lehiaketan; hori bai, sariei dagokienez, adinka banatuko dira.
Sariak
Gazteek Ermuko saltokietan erosketak egiteko txekeak jasoko dituzte: 14 urtez azpiko irabazleak 50 euroko txekea jasoko du; eta 15-17 urte bitartekoak, 80 eurokoa. Sari nagusia bi pertsonentzako esperientzia izango da, La Perlan, eta hurrengo zerbitzuak barne hartzen ditu: Talasoterapia zirkuitua, masajea aromaterapiarekin eta dastatzeko menua La Perla jatetxean.
Lehiaketara aurkezteko bidali piropoa euskara@udalermua.net helbidera, sortzailearen datu pertsonalak atxikituta: izen-abizenak, adina eta harremanetarako telefonoa / e-maila.
