Herriko talde desberdinek antolatu dute aurtengoa: Nushu, Ernai, Gazte Asanblada eta Institutuko Bigarren Batxilergoko ikasleek. Egunaren jira-bueltan guztira 70 lagunetik gora aktibatu ziren aurreko asteetako antolaketan, sagardoa zerbitzeko txandetan, guztia muntatzen, desmuntatzen… Antolatzaileek herriko taberna desberdinen laguntza ere jaso dute.
Aurten 15 ekoizleren sagardoa dastatzeko aukera egon da; egunean zeharreko salmentaren zati bat datorren urteko ekitaldia antolatzeko gordeko da eta gainontzekoa Batxilergo bigarren mailako ikasleen ikasketa-bidaiara bideratuko da.
