Abian da 2024ko Ermuko Hiria literatura lehiaketa eta 30 edizio betetzen ditu aurten.
Beti bezala, bi modalitate daude: narratiba eta olerkia. Narratibari dagokionez, "umorea" da aurtengo gaia eta lanak A4 tamainako 10 orrialde izango ditu gehienez; marjin, tipografia eta letra-tamaina estandarrekin. Olerkien gaia librea da, baina neurri aldetik 100 bertsotik behera izan beharko dute.
Modalitate horietako bakoitzean bi sari egongo dira, hizkuntzaren arabera: bata euskarazkoa, gazteleraz idatzitakoa bestea. Guztira lau irabazle egongo dira beraz eta guztiek diru-sari berbera jasoko dute, 500 euro bakoitzak.
Lanak bidaltzerakoan "anonimotasuna zaintzeko" eskatu dute
Bi dokumentu bidali beharko dira, obraren kopia alde batetik, egilearen datu pertsonalak bestetik: Izen-abizenak, NANa eta harremanetarako telefonoa gutun itxi batean sartuta, kanpotik obraren titulua eta egilearen ezizena besterik ez duelarik.
Materiala digitalki bidali daiteke biblioteca@udalermua.net helbidera edo formatu fisikoan liburutegira, postaz helarazita edo eskuz entregatuta.
Xehetasun gehiago eta parte hartzeko oinarriak irakurtzeko egin klik hemen.
