Ermuko Txirrindulari ETXEtik "astebukaera ederra" izan dutela kontatu dute:
Mendian
Zapatuan, Gatikako BTT lasterketan egon ziren Ermuko Txirrindulari eskolako txikienak. Eguraldia beti lagun ez dagoela ere ikasi beharra dago eta, azaldu dutenez, "ederto asko egin zioten aurre euriari eta haizeari".
Basamortuan
Monegros basamortuko BTT martxan hartu zuten parte helduek eta, "gogorra" izan arren, "emaitza onak" lortu zituztela kontatu dute.
Errepidean
Domekan, Igorren izan ziren ETXEko gaztetxoak, UDABERRIKOPAko zirkuituaren bueltan. "Oso ondo" pasatu zutela adierazi dute taldetik eta, horrez gain, garaipen bat lortu zuten: 1. urteko infantilen kategorian txapeldun izan zen Telmo Hernández.
