Martxoaren 20tik maiatzaren 8ra bitartean egon da zabalik Santixauetako kartel lehiaketa eta, epe horretan, 95 diseinu aurkeztu dira. Horietatik, bakarra hautatu behar izan du Jai Batzordeak.
Edozeinek parte hartu badezake ere, eta aukeraketa diseinu anonimoekin egiten bada ere, iaz Sonia García Fuentes ermuarrak irabazi zuen bezala, aurten ere ermuar baten diseinua izan da garaile: Ernesto López Bañueloren obra izango da uztaileko jaien irudi eta, trukean, 600 euro jasoko ditu sari.