Uztailaren 1etik 12ra egingo dira Uda Gazte Jolasak eta 2007-2011 urteen bitartean (biak barne) jaiotako gazteek hartu ahalko dute parte.
Jardueraz beteriko bi aste izango dira: Antolakuntzatik surf ikastaroa, eskalada saioa eta sukaldaritza tailerra nabarmendu dituzte batik bat; baina, horiez gain, beste tailer, joko eta txango ugari prestatu dituztela agindu dute. Ordutegia goizeko 9:30etik 14:00etara izango da, astegunetan. Irteeren kasuan, arratsaldeko 17:00ak arte luzatuko dira eta bakoitzak bere ogitartekoa eraman beharko du etxetik.
Izen-ematea
Lehenengo astean bakarrik, bigarrenean edo bietan apuntatzeko aukera dago. Interesatuek Ermuko Udalaren webgunean eman dezakete izena, egoitza elektronikoan. Bestela, presentzialki ere egin daiteke: dokumentu hau betez, inprimatuz eta Abiapuntu Hiritarren Arreta Bulegora eramanda, goizez, astegunetan. Entregatzeko azken eguna ekainaren 5a izango da.
