Gogo handia zegoen, baina eguraldia ez zen gogoaren alde jarri: euria, hotza, une batzuetan haize fina… Goizean zabaldu ostean, ikusmiran etorritako banaka batzuk bakarrik sartu ziren. Arratsaldean lagun gehiago ikusten zen.

Geologiako ikasketak egin zituen Asier Madarieta ermuarrak duela ia hamar urte, eta ordutik ikerketa-zentro eta arlo ezberdinetan lan egin izan du. Gaur egun EHUko Geologia Saileko ikerlaria da, eta datozen bi urteak Palermon (Sizilia) emango ditu, deformazio tektonikoak ikertu ahal izateko metodologiak lantzen. Madarietarekin batera jardun dugu Ermuan dagoen flyschari eta bestelako ezaugarri geologikoei buruz.