Athletic Clubek eta Eibar SDk akordioa sinatu dute, eta Ibai Asenjok Eibarraren bigarren taldean jokatuko du 2026ra arte, gutxienez.
Ibai Asenjo Godoy (Ermua, 2003) Lezamako harrobian izan da txiki-txikitatik: 2013an hasi zen alebin mailan, hortik infantiletara pasa zen, ondoren Ohorezko mailako eta Euskal Ligako kadeteetara, gero Ohorezko mailako jubeniletara...
Jauregizar taldekideakin, 10 urteko aldea duten argazkietan.
2022/23 eta 2023/24 denboraldiak Hirugarren Federazioan dagoen Baskonia Kirol Kluban eman zituen (Athleticaren 3. taldean) eta, tarte horretan, Premier League Internacional Kopan izan zen, Athletic Clubaren 23 urtez azpiko taldean. Partidu bakarra jokatu eta gola eman zion taldeari aurrelariak.
Athleticarekin jokatzen, kapitainaren besokoa soinean.
Azken denboraldi honetan, oraindik belaunean izandako lesio gogor batetik errekuperatzen egon arren, Bigarren Federazioko pare bat partidu ere jokatu ditu, Bilbao Athleticekin. Orain, Eibarrek etxetik gertu ekarri du Asenjo, Lezaman hezitako lehoitxoa benetako armagin bilakatzeko asmotan.