Bookface-a norbere aurpegia liburuaren azalarekin bat egitean datza eta Ermuko Udal Liburutegiak, , ariketa artistiko honen argazki-lehiaketa antolatu du, herritarren "irudimena eta dibertitzeko gogoa neurtze aldera". Lehiaketa honen 3. edizioa izango da eta, aurtengoa, hiru kategoriatan banatu dute, adinka:
- 14 urtetik beherakoen argazkiak.
- 15 eta 40 urte bitartekoenak.
- 41 urtetik gorakoenak.
Oharra: Partaide bakoitzak nahi adina argazki bidali ahal izango ditu.
Kultur lehiaketa, kultura sari
Aipatutako kategorietako irabazle bakoitzak liburu sorta bat eta udazkeneko programazioko Ermua Antzokiko ikuskizun baterako bi sarrera lortzeko aukera izango du.
Parte hartzeko epea irailaren 15ean amaituko da; beraz, bidali lehenbailehen argazkia —izen-abizenak eta adina zehazten dituen mezu batez lagunduta— biblioteca@udalermua.net helbide elektronikora edo Udal Liburutegiaren WhatsApp-era.