Eskoletako jardunaldiak
Ermuko Txirrindulari Eskolako arduradunak herriko ikastetxe desberdinetan izan dira Europako Mugikortasun Astean zehar: Anaitasuna, San Pelayo, Ongarai, Eskolabarri eta San Lorenzo. Errepidean bizikletaz ibiltzearen inguruan jardun dute, trafiko arauak esplikatuz eta segurtasun aholkuak emanez. Umeak bizikleta gainean trebatzeko ginkanak ere prestatu zituzten, jolas eta ariketa desbiderdinak muntatuz ikastetxeetako patioetan.
Martxa zikloturista
Igandean, Autorik Gabeko Nazioarteko Egunean, martxa zikloturista herrikoia antolatu zen. Ermuko Txirrindulari Elkarteko kide diren haur zein beteranoek ez zuten hitzordua galdu eta, haiekin batera, herritar ugari eta astean zehar formakuntza saioetan izandako ikasleak ere izan ziren. Berrogei lagunetik gora zeharkatu zituzten Ermuko kaleak, garraio jasangarrien aldeko aldarria eginaz.