Txindurri TDT-k taldearen 50. urteurrenerako logoa sortzeko lehiaketa antolatu du eta parte hartzera gonbidatu ditu *Ermuko diseinatzaile, artista grafiko eta sortzaileak.
Logoaren diseinua librea da (taldearen izena jartzea ere ez dela beharrezkoa adierazi dute); arau bakarra: kolore bakarra izan beharko du. Originaltasuna, kalitate teknikoa, funtzionaltasuna eta taldearen nortasuna islatzea baloratuko dituzte. Horrez gain, diseinuak euskarri desberdinetan erreproduzitzeko aukera eman behar duela gogoratu dute: digitala, inprimatua eta bordatua.
Diseinuak tdt.dantzarigazteak@gmail.com helbidera bidali daitezke (PNG, PDF edo JPG formatuan) hurrengo datuak gehituta:
- Izen-abizenak
- Jaioteguna
- Helbidea
- Harremanetarako telfonoa
Bidaltzeko epea abenduaren 8an amaituko da.
Saria
Dantza taldeko kideek eta diseinatzaile grafiko profesionalek osatuko dute epaimahaia eta hautatutako diseinuaren egileak 100 euroko diru-saria jasoko du. Abenduaren 19an jakinaraziko da irabazlea, Ermua Antzokian egingo den Gabonetako Dantza Ekitaldian.