Magia ikastaroa
17:30ean, Udal Liburutegiak antolatutako Magia Tailerraren bigarren saioa egingo da. Lehena pasa den urriaren 24an egin zuten eta gaurko plazak beteta dituzte jada. 2015, 2016 eta 2017. urteetan jaiotako haurrek hartuko dute parte eta ordu bete emango dute trikimailu desberdinak ikasten.
Disko-festa
Liburutegiko magia ikastaroko plazak beteta egon arren, gainontzeko haurrek ez dute zertan kezkatu: ordu berean, 17:30ean, Haur Disko-festan dantzatzeko eta kantatzeko aukera izango dute Orbe Kardinalaren plazan.
Pintxolagun
Berbalagunen osteguneko Pintxolagun saioa berezia izango da gaurkoan. Gau Beltza dela-eta, mozorrotuta edota osagarriren batekin gerturatzeko gonbita luzatu dute antolatzaileek. 19:30ean ekingo diote Infreñutik eta 21:00 aldera arte tabernaz taberna arituko dira euskara praktikatzen.
Berbalagunen komunitateko albistea hemen.
Beldurrezko gaua
Urtero bezala, Gau Beltzerako ekintza berezia antolatuko du Antxintxiketan Aisialdi Taldeak. Merkatu Plazan egingo da, 21:30ean hasita, eta LHko 5. mailatik DBHko 3. mailara bitarteko gazteek hartuko dute parte.
