EGUNEAN BEHIN ERMUAN

Zozketen irabazleek sariak dituzte zain

Drogetenitturri 2024ko abe. 20a, 07:49

Saria jaso duten irabazleetako batzuk.

Irailean jarri zen martxan Egunean Behinen 16. denboraldia eta harekin batera herritarren arteko Egunean Behin Ermuan lehia. Astero, Ermuko Merkatarien Elkarteko dendetan erabiltzeko 30 euroko bonoa zozkatzen da parte hartzen duten lagun guztien artean.

Egunean Behin Ermuan-en asteroko irabazleak eta zozketako sarituak Drogetenitturriko Komunitateko profiletik jakinarazten dira. 16. denboraldi honetan, jokatzearren soilik zozketan parte hartu eta Ermuko saltokietan erabiltzeko 30 euroko bonoa irabazi dutenak hurrengoak izan dira:

Batzuk saria jaso dute jada, baina gehienek zain dute oraindik Euskal Birusa Elkartearen bulegoan (Erdikokale zeharbidea 2, 1. pisua). Astegunetan jaso ahalko dute, goizez (9:00etatik aurrera) edo arratsaldez (16:00-18:00 bitartean). Dena den gomendagarria da aldez aurretik bulegora deitzea, 943 17 93 50 telefonora.

Taldera batzeko...

Ermuar guztiak hurrengo denboraldian parte hartzera gonbidatuta daude. Hona hemen taldera batzeko jarraitu beharreko urratsak:

  1. Deskargatu Egunean Behin aplikazioa telefonoan, eta ireki.
  2. Azpialdean, sakatu Taldeak.
  3. Sakatu + ikonoa.
  4. Aukeratu Giltza erabiliz.
  5. Sartu giltza hau: 3A8ECB

Listo, taldean zaude dagoeneko.

Animatu eta parte hartu!