Abenduaren 23tik urtarrilaren 3ra bitartean, Negulekuetan parte hartzeko aukera izango dute Lehen Hezkuntzako 1.mailatik 6. mailara arteko umeek. Ordutegiari dagokionez, goizeko 9:00etan hasiko dira, lehen egunean eta ostiraletan 13:30ean amaituz, baina egitarauaren arabera arratsaldeko 17:00-18:00ak arte luza daitezke.
Matrikularen prezioak honakoak dira:
- Tasa arrunta: 53,54 eurokoa
- Bi anaia-arreba izanez gero edota Familia ugariko kidea bada: 42,83 euro (bakoitzeko).
Seme-alabak inskribatzeko, hurrengo pausuak jarraitu behar dituzte gurasoek: Lehenengo, umeari dagokion tasa ordaindu beharko dute Kutxabank-eko S89 2095 0040 609110990751 kontu zenbakian; kontzeptuan 'Negulekuak + (umearen izen-abizenak)' jarriz. Behin bankuko ordainketa agiria izanda, eskabidea egin ahalko da: fisikoki Abiapuntuko bulegoan edo online egoitza elektronikoan.
Eskaerak azaroaren 5etik 13ra arte onartuko dira soilik.