Ixa Rodriguezen Sorabox taldeko boxeolariez gain, Euskal Herriko talde desberdinak batu ziren zapatuko jaialdira: Nafar Sustraiak, Iparbox, Anoeta B.E., Zumaia Boxing Club, Escuela Alavesakoak... tokitatik etorritako boxeolariak igo ziren ring-era eta tokitako boxeo zaleak gerturatu ziren ikustera. Hala ere, ermuarren eta eibartarren presentzia nabarmendu zen batik bat, bertako Asier Barreira eta Jokin Merino animatzera etorriak (Barreira eta Merinoren albistea eta argazkiak HEMEN). Sarrera guztiak agortuta, Udal Kiroldegiko harmailak eta kantxa jendez bete ziren, eta giro bikaina bizi izan zen, boxeolariek eskainitako ikuskizunaren mailakoa.
Zozketaren irabazlea
Drogetenitturri.eus atarian zozkatzen ziren 2 sarreren irabazlea —pasa den asteartean ezagutzera eman genuen bezala (hemen)— Oihana Aranburu Inza izan zen. Segidan bere argazkia Boxeo Jaialdiaren egunean bertan, sarrerak jaso berritan.
