Zornotzako kluben arteko krosean Espainiakora klasifikatzea lortu zuten Bidezabal Atletismo taldeko neskek, lehen postua lortuta. Sevillan jokatu zen estatu mailakoa eta txapeldunorde izanda —Castelloko taldeak lortu zuen urrea— Europarako klasifikatzea lortu zuten. Klubak adierazitakoaren arabera, klasifikatzea soilik "lorpen handia" izan zen, kategoria honetan Europa mailan jokatzera ailegatu den lehen euskal taldea izan delako.
Atzo jokatu zen European Cross Country txapelketa Portugalen eta Axpe Aja ermuarraren laukoteak 5. postua lortu zuen. Podiumari dagokionez, Turkiako Fenerbahce izan zen garaile eta Frantziako Cler. Auvergne geratu zen bigarren. Castellokoek, frantziarrekin puntutara berdinduta, brontzea eskuratu zuten.
Segidan, Bidezabal ATko korrikalarien denborak, lehen eta azken postukoekin alderatuta:
| Pos. | Izena | Gen. | Kategoria | Kluba | Denbora |
|---|---|---|---|---|---|
| 1 | HAWI ABERA |  |
Sub 20 Fem | Sporting CP | 00:18:45 |
| 12 | LAIA CARIÑANOS | |
Sub 20 Fem | BIDEZABAL DURANGO | 00:21:02 |
| 18 | ANDREA BUENAVIDA | |
Sub 20 Fem | BIDEZABAL DURANGO | 00:21:39 |
| 28 | AXPE AJA | |
Sub 20 Fem | BIDEZABAL DURANGO | 00:22:54 |
| 37 | IXONE SANCHEZ | |
Sub 20 Fem | BIDEZABAL DURANGO | 00:24:06 |
| 46 | LARA SILVA | |
Sub 20 Fem | NBA | 00:31:14 |