Otsailaren 22an, larunbata, Piano Jaialdiaren II. edizioa egingo da Ermuan, eta bertan Bizkaiko eta Gipuzkoako musika eskoletako 45 ume inguruk parte hartuko dute. Emanaldia Ermua Antzokian izango da, 10:00etan hasita, eta nahi duten herritar guztiak gerturatu ahal izango dira bertara, ekitaldia doakoa izango baita.
Alboka Musika Eskolako arduradunek azaldu dutenez, urte luzez Andoainen egin izan da Piano Jaialdia, baina hura desagertu eta gero, Euskal Herriko Musika Eskolen Elkartea (EHME) arduratzen da antolaketaz. Urtero egoitza ezberdinak aukeratzen dira eta "aurtengo egoitzak izango dira Getxo, Amasa-Villabona, Errenteria, Arrasate, Elgoibar, Dulantzi eta Ermua –adierazi dute arduradunek–. Iaz, aldiz, Durangon ospatu zen ekitaldi hau, besteak beste, eta Ermuko pianistek bertan eskaini zuten kontzertua".