Zapatu goizean hasitako festak akaberarik ez iluntzi gau partean

Estibalitz González 2025ko mar. 4a, 12:22

Arratsaldean dantza eta kanta ikuskizun batez gozatzeko aukera izan zuten txikienek eta baita haren ondorengo mozorro lehiaketan parte hartzekoa. Argazkiak: Dorleta Vidal eta Estibalitz González.

Eguerdiko epaimahai bera aritu zen bertan Ekaitz Prieto, Jokin Lugarizaristi eta Mikel Alfagemek osatutakoa eta jendeak egindako lana eta aurkeztutako jantziak goraipatu zituzten. Umeen mozorro irabazleak izan dira:

Banaka

Enara Borrajo lehenengo, Bianca bigarren eta Goizane hirugarren.


Taldeka

Baso magiko eta izaki mitologikoko txikiak lehenengo eta Jurassic Park-ekoak bigarren.


Gauerako erabat aldatu zen plazako adin tartea eta gazteenen txanda ailegatuta musika, dantza eta argi-izpiak nagusitu ziren eguna luzatzeko gogo bizia erakusten ari zen jendarte alai haren artean.