QR kodedun irakurgailuak instalatu dituzte Udal Kiroldegiko eta Betiondoko sarrerako tornuetan. Horrela, txartel fisikoaz gain, txartel digitalarekin (mugikorra erabiliz soilik) sartu ahalko dira bazkideak instalazioetara. Segidan, txartel birtuala erabiltzeko bi moduak:
Ermua Kirolak aplikazioaren bitartez
Ermua Kirolak aplikazioa deskargatuta duten 12 urtetik gorako abonatu guztiek txartel birtualaren funtzionalitatea eskuragarri duzue APParen azalean. Funtzio honetan klik eginez, QR kode bat duen pantaila berri bat agertuko da. Kode hori tornuaren irakurgailura hurbilduz gero, instalazio barrura sartu ahal izango zara. Aplikazioa Androiden (Play Store) zein iOSerako (App Store) dago eskuragarri.
Deskargatu Ermua Kirolak aplikazioa hemen:
NIK Patrika Digitaletik
Eusko Jaurlaritzaren NIK Patrika Digitalarekin ere txartel digitala mugikorrean izan dezakete abonatuek, euskal erakunde publikoek emandako beste txartel batzuekin batera (Osakidetza, Euskadiko Irakurketa Publikoko Sarea - Liburutegiak, etab.). Txartela aplikazioan deskargatu nahi dutenek BakQ identifikazio elektronikoko sistema eduki beharko dute eta NIK Patrika Digitala aplikaziotik bertatik Ermua Kirolak-eko bulego birtualera sartu ahal izango dira. Bertan instalazioen erreserbak, ikastaroetan altak eta abar kudeatu ahal izango dituzte. Horrez gain, Patrika Digitalak aukera ematen du abonuan agertzen diren familia-abonuaren titularrek (amak, aitak edo legezko tutoreak) beren seme-alaben txartel birtualak deskargatzeko, edozein dela ere hauen adina.
Deskargatu NIK Patrika Digitala hemen:
Oharra: Txartel fisiko bidezko sarbideak indarrean jarraituko du.