Bihar ospatuko da Emakumeen Nazioarteko Eguna eta Ermuko Koordinaketa Feministatik egun osoko egitaraua prestatu dute, "zapatua dela aprobetxatuz":
13:30ean ekingo diote Orbe Kardinalaren plazatik, brindis ibiltari feminista eginez herrigunean. 15:00etarako plazara bueltatuko dira, bazkari herrikoia egiteko bertan. Bazkarirako txartelak salgai daude Infreñun, Hergan eta Torrekuan 18 euroan (12 euroan ikasle eta langabetuentzat), eta aukera beganoa ere egongo da. Bazkalondoa musikatua izango da, 17:00ak aldera, IRAIAren kontzertu akustikoarekin. Bukatzeko, kaleak hartuko dituzte berriz ere 18:30ean egingo den manifestazioan, "Faxismoaren kontra, ausardia feminista!" lemapean. Horrez gain, datilak banatuko dituztela jakinarazi dute, Iftarra dela-eta.