Iazko apirilean jokatu zen Ermuko I. Puzzle lehiaketa ofiziala, eta Espainiako eta munduko txapelduna izan zen bertan, parte-hartzaile (eta garaile). Aurten ere txapelketa egongo da, baina apur bat desberdina izango da: Estatuko 16 udalerri desberdinek (eta egoitzarik gertu ez duten baina online parte hartuko duten puzzlezaleek ere) hartuko dute parte aldi bereko txapelketa batean. Zapatu honetan izango da, martxoaren 15ean, eta 11:00etan hasiko da. Ermuan fisikoki parte hartzeko aukera egongo da, Merkatu plazan prestatuko duten gunean.
500 pieza bi lagunen artean
Parte-hartzaileek binaka jokatuko dute eta bi ordu baino lehen osatu beharko dute 500 euroko puzzlea. Ermuko podiuma lortzen dutenek puzzle bat jasoko dute sari eta, txapelketa osoko hiru onenen artean geratuz gero, garaikurra ere jasoko dute. Inskripzioak 20 euroko kostua izango du bikoteko eta errifekin batera jasoko den dirua DANAren kaltetuei laguntzeko bideratuko da. Izena emateko egin klik hemen.
Opari pila irabazteko aukera
Errifa solidarioa ere egongo da eta txartelak 2 euroan egongo dira salgai. Parte hartuz gero, Ermuko komertzio, klub eta elkarte desberdinek emandako opariak irabazteko aukera egongo da: Gaztela-Leon Kultur Etxeak 2 botila ardo emango ditu, Elegancias Berebar dendak koloniak, Saski Ermuak 2 baloi, Anuar harategiak 2 txahal txuleta eta Villa de Ermuak umeentzako motorra eta Cars filmeko Rayo McQueen-en pelutxea.