Segidan, 2025eko hamaikakoa Ermuan, Libe Solozabalek eta Ekaitz Prietok atzoko ekitaldian aurkeztu bezala:
Alberto Arginzoniz
"Zaldibarko Kurutzia baserrian jaiota, sei urte zituela familia Ermura etorri zan. Ezkondua eta 3 seme alaben aita, azkenengo 9 urtetan Erdikokaleko Argintxu txutxe dendan ikusten dugu herriko umeei euskera hutsian jarduten".
June Aranberria
"Militantea. Euskaraz bizi den haietako bat dugu June. Euskararekin eta euskal kulturarekin harreman estua duen haietakoa".
Raul Pelayo
"Nahiz eta ermuarra ez izan, nahiko ezaguna den eta edozein motatako ekitaldiak antolatzeko prest dagoen pertsona. Auto klasikoen kontzentrazioak, azoka solidarioak, saskibaloia… Antolatzen dituen ekintza guztien publizitatea euskaraz ere egiteaz arduratzen da. Gainera, seme-alaben bitartez agurrak eta esaldi txikiak ikasten saiatzen da".
Maider Mojon
"Ermuko irakaslea. Euskaldun berria, Kaltxango euskaltegian ikasitakoa eta egun San Pelayo ikastetxean euskararen presentzia handitzeko lanean kementsu diharduena".
Abdelhay El Idrissi
"Anuar Frutadendako jabea. Bere seme-alabak ikastolan euskaraz ikasten ari dira eta honetaz oso harro dagoen herritarra. Euskararekin eta euskalgintzarekin zerikusia duen edozein kartel bere frutadendak jartzeko prest dago eta aurrera begira, bere dendako produktuen kartelak euskaraz jartzea gustatuko litzaiokeela aipatu du, hori egiteko gogoekin dagoela azpimarratuz".
Irune Mugerza
"Ermuar euskaltzale nekaezina. Berbalagun proiektuaren kide historikoa, 20 urtetik gorako ahalegina ermuarrek hobeto hitz egin dezaten bidea jorratzen".
Julen Gutierrez
"Musikaria eta militantea. Euskararekiko beti konpromezua erakusten duena. Etxetik euskararik jaso ez, baina ingurukoekin aritzen dena".
Lorea Gaston
"Ostalaritzan aritzen den ermuarra. Tabernako egunerokoan ahal duen guztiekin euskaraz egiten saiatzen dena, euskaldunoi euskaraz berba egiteko aukera ematen digun profesional ona".
Joxe Gallardo
"Castelloko euskaldun eredugarria. Duela hamarkada bat Ermura etorri eta gaur egun semeekin, musika eskolan eta kalean euskaraz berba egiten duen irakaslea".
Axpe Aja
"Ermuko gazte kirolaria, aurten Europako kross txapelketan lehiatu du. Euskararekin eta euskal kulturarekin harreman estua duena eta bere sustapena bultzatzeko institutoko euskara batzordean dabilena".
Asier Ibaibarriaga
"Herriko hainbat Elkarteko kidea da. Euskal Birusa Elkartea, Xake taldea,… besteak beste. Euskal Kulturaren sustatzailea izan da, bertsolaritzarekin eta beste hainbeste ekintzekin".
