Martxoaren 8ko ekitaldi sortaren harira, Durangoko Plateruena Kultur Aterpean burutu da zapatu iluntzean bertako Abesti Feministen VII. Lehiaketa. Gertutik eta urrunetik etorritako bakarlari eta talde desberdinak entzuteko aukera izan zuten bertaratutako herritar ugariek, tartean Jon Moma abeslari ermuarra, Hitzetan abestiarekin taularatu zena 30 urtetik gorakoen kategorian.
Aurtengo edizioan guztira 33 abesti aurkeztu dira eta, herritarren eta epaimahaikideen botazioa tarteko, 12 onenak iritsi ziren azken final honetara. 30 urtetik gorakoen kategorian talde modura El Club de las Flipadas-ek irabazi zuen eta solisten artean Marga Pocovi i Biel Tous mallorkarrak. Euskarazko abestirik onenaren saria Trouble Woman-i ematea erabaki zuen epaimahaiak. 30 urtetik beherakoen artean, ostera, Naz taldea izan zen parte-hartzaile bakarra eta saritua ere; solista modura Biren suertatu zen irabazle.