Martxoaren 24an txartelak banatzen hasi ziren Ermuan eta, hilaren 31ra bitartean, aurreikusitako 7.316 txarteletatik 5.156 banatu dituzte (4.001 etxeetan eta 1.155 Merkatu plazan jarritako gunean). Geratzen diren txartelak banatze aldera, epea apur bat luzatu du Mankomunitateak: Apirilaren 4ra arte jaso ahalko dira Ermuko Merkatu plazako Minibiziaren Kontrako Elkartearen bulegoan, goizez 10:00etatik 14:00etara, arratsaldez 17:00etatik 20:00etara.
Kanpaina honen helburua "hondakinen bilketa selektiboaren kalitatea hobetzea eta biohondakinen kudeaketa optimizatzea" dela azaldu dute Debabarreneko Mankomunitatetik; eta edukiontzi organikoetako irekiera-sistema elektroniko hau martxan jarrita "hondakinen trazabilitatea hobetzea eta bereizketa egokia bermatzea" lortuko dutela.