Gaur, 04:00ak aldera, argiak itzalita zeramatzan kotxe bat ikusi du ertzain patruila batek Eibarren. Argiak piztu eta ibilgailua gelditzeko agindu arren, gidariak ez omen du jaramonik egin eta ihesaldiari ekin dio, Ermurako noranzkoan. Bertan, beste patruila batek autoa geldiaraztea lortu du eta barruan zihoazen bi gizon-emakumeak identifikatu ditu.
Ezetza alkoholemia proba egiteari
Gidariari alkoholemia proba egitea eskatu diotenean "jarrera biolentoa" hartu du, "heriotza-mehatxuak egiten hasi eta autoa berrabiarazten saiatu da". Ibilgailu barruan, substantzia zuridun poltsa bat ikusi dute —gerora 95 gramo speed bezala identifikatuak— eta droga-trafikoaren eta bide-segurtasunaren kontrako delituak leporatuta atxilotu dute.
