Futbolzaleek zapatuko plan ezinhobea daukate. Goizetik arratsaldera arte, hamaika futbol partida ikusteko aukera egongo da Teodoro Zuazua futbol zelaian zein Betiondon, Monroe futbol kadete txapelketa dela-eta.
Parte hartuko duten zortzi taldeak bi multzotan banatu dituzte eta bakoitzak zelai batean jokatuko du. A multzoan daude Ermua CD, Deportivo de A Coruña, Real Sociedad eta Osasuna, eta Teodoro Zuazuan jokatuko dute. B multzoan daude SD Eibar, Athletic Club, Deportivo Alaves eta RCD Espanyol taldeek, eta Betiondon jokatuko dute. Lehenengo partidak 9:30ean izango dira: Ermuak eta Deportivo de A Coruñak Teodoro Zuazuan neurtuko dituzte indarrak; Alaves eta Athletic Club taldeen norgehiagoka Betiondon izango da. Segidan ordutegi osoa:
| TEODORO ZUAZUA | BETIONDO | |
| Ermua CD - Depor. A Coruña | 9:30 | Alaves - Athletic Club |
| Ermua CD - Real Sociedad | 10:10 | Espanyol - SD Eibar |
| Athletic Club - Espanyol | 10:50 | Real Sociedad - Depor. A Coruña |
| Alaves - SD Eibar | 11:30 | Ermua CD - Osasuna |
| Real Sociead - Osasuna | 12:10 | Athletic Club - SD Eibar |
| Alavés - Espanyol | 12:50 | Deportivo de A Coruña - Osasuna |
Txapelketaren irabazlea Teodoro Zuazua futbol zelaian erabakiko da. Finalaurrekoak 16:00etatik aurrera jokatuko dira; hirugarren eta laugarren postua 17:30ean; eta finala 18:15ean izango da.
