Ongaraiko bizilagunek egitarau oparoa prestatu dute ekaineko jaietarako

Ander Gomez 2025ko mai. 22a, 12:49

Argazkia: Udala.

Ongaraiko jaiek gustu guztietarako musika emanaldiak hartuko dituzte: Mariatxiak, batukada, 80-90 hamarkadetako musika, txaranga, dj saioa, erromeria... eta baita bertako rock taldeen kontzertuak ere. Umeentzako jolasak egongo dira eta nagusiak igel-tokan edota bizikleta proban lehiatu ahalko dira. Jan-edana ere ez da faltako herri-bazkariarekin, txosnan prestatuko dituzten bokatekin (aurtengo berritasuna) eta jaiei amaiera emango dion ordu txikitako txokolatadarekin.

Iaz berreskuratutako Ongaraiko jaiak arrakastatsuak izan ziren oso eta bukatu bezain pronto erabaki zuten antolatzaileek ospakizunak ez zuela etenik izango. Aurten, ekainaren 13an eta 14an egingo dira, eta, kalejirak eta bizikleta-proba ez ezik, Ongaraiko kantxan izango dira jarduera eta ekitaldi guztiak:

Ekainak 13, ostirala

18:00-19:00 Haurrentzako jolasak

19:00 Igel-toka txapelketa

19:00-21:00 Batukada Battuere kalejira

21:00-22:00 AIAMA taldea

22:30-23:30 Makis 37

00:00-01:30 John Dealer & the Coconuts

Ekainak 14, larunbata

12:00 Jaietako pregoia, helduei eta jaioberriei omenaldiaOngarain jaiotako Txabi Arnal idazleak bota zuen iazko pregoia. Argazkia: Udala.

12:30-14:30 Irulitxa txarangaren kalejira

14:30-17:00 Herri-bazkaria

Bideoa: Miguel Blanco Olañeta.

16:30-17:30 Lekim pailazoak 

18:00-19:30 'Los Gavilanes' mariatxien kalejra

20:00-22:00 80/90 bertsio-taldea, 'Sapo y el Sello'

22:30-24:00 'Mugi Panderoa' erromeria

00:30-01:30 DJ Pirata

01:45-02:45 Txirrindularitza erronka

02:45 Txokolatada herrikoia

ALBISTEAK ESKUKO TELEFONOAN

Ermuko eta Mallabiko albiste nabarmenenak, azken ordukoak, zozketak... momentuan jaso nahi dituzu? Harpidetu zaitez doan!

WHATSAPP: Batu Drogetenitturri kanalera eta aktibatu kanpaitxoa 🔕→ 🔔.

INSTAGRAM: Jarraitu @drogetenitturri kontua.

FACEBOOK: Jarraitu Drogetenitturri orrialdea.