Goizean, Valdespinako petanka pistaren ondoan zegoen magnolioa moztu dute. Udalaren esanetan, "erabaki zaila" izan da, baina beharrezkoa segurtasuna bermatzeko. Azken hilabeteotan zuhaitza salbatzeko saiakera-prozesuan jasotako txosten teknikoek zioten "sendaezinezko gaixotasun batek jota" zegoela eta "egitura hondatuta" zeukala. Hainbat adar bilutsik eta hosto barik zeuzkan, eta guztiz lehortzera itxaroteak "oinezkoentzako arrisku larria" suposatuko lukeela azaldu dute.
Hirigintza saileko zinegotzi Rosa María Cidek adierazi duenez, “asko hausnartutako erabakia izan da, eta, parkea bisitatzen duten askorentzat tristura puntu bat ekar lezakeen arren, segurtasuna lehenetsi behar dugu. Udalean irizpide teknikoen arabera egiten dugu lan eta gure ardura berdeguneak zaintzea da, baina baita berauek disfrutatzen dituzten herritarrak ere.”
Magnolioa bota aurreko irudia. Argazkia: Ander Gomez.
Ermuko eta Mallabiko albiste nabarmenenak, azken ordukoak, zozketak... momentuan jaso nahi dituzu? Harpidetu zaitez doan!
WHATSAPP: Batu Drogetenitturri kanalera eta aktibatu kanpaitxoa 🔕→ 🔔.
INSTAGRAM: Jarraitu @drogetenitturri kontua.
FACEBOOK: Jarraitu Drogetenitturri orrialdea.