Hogeita hamahiru heldu eta hamazortzi gaztetxok hartu zuten parte, eta harriduraz gerturatzen zitzaizkien herritarrek goiz bakarreko ordu gutxitan abilezia handiz benetako artelanak sortzeko gaitasuna miresten zieten.
Bertako margolariez gain, Bizkaitik, Gipuzkoatik, Nafarrotik, Cantabriatik eta Frantziatik etorri zenik ere egon zen. Antolatzaileak oso pozik zeuden izena emandakoen kopuru eta jatorrien aniztasunarekin, baina batez ere margolarion goi-maila eta sortutakoaren kalitatearekin. Eguraldiak, aterri samar eutsi bazion arren, kale eta eraikinen argitasunean eragin handia izan zuen eta epaimahaikideen esanetan horrek asko baldintzatu zuen margolanen argi eta kontrasteetan.
Epaimahaia izendatzeko margotzen ibilitako pertsonei jo du oraingoan ere Mugarteak eta berau osatu zuten Santi Entrena, Ion Idigoras, Pedro Valiente eta Alfonso Garcíak.
Sarituak
Helduen kategorian
- 1. saria Alvaro Gil nafarrarentzat, 1200 euro eskuratuz.
- 2. saria Jose Miguel Arranz erandioztarrak, 800 euro eskuratuz.
- 3. saria Jose Reyes Ramos leioarrarentzat, 300 euro eskuratuz.
- Akzesita Eduardo Alsasua gazteiztarrarentzat, 250 euro eskuratuz.
Herrikoak
- 1. saria Antonio Hernandez, 250 euro eskuratuz.
- 2. saria Unai Blanco, 150 euro eskuratuz.
Umeen kategorian, margoen estutxe bana eskuratuz:
5-9 urte bitartekoak
- 1. saria Enara Borajo
- 2. saria Iraia Garcia
- 3. saria Laia Izagirre
- 4. saria Libe Tapia
10-15 urte bitartekoak
- 1. saria Sara Munin
- 2. saria Leire Serrano
- 3. saria Leire Morais
- 4. saria Lander Tapia
