Uztaila hasiera honetan, 9:00etatik 14:00etara eta 16:30etik 19:30era bitartean zabalduko da liburutegia astegunetan, eta asteburuetan itxita egongo da. Hilaren 14tik aurrera (astelehena), goizeko ordutegian bakarrik irekiko ditu ateak.
Asteburuetarako alternatiba Izarra Zentroan dagoen Teknotekan aurki dezakete ikasteko beharra duten herritarrek. Zapatu eta domeketan irekiko da, 16:00etatik 19:45era. Bakarka zein taldeka ikasteko aukerak daude, horretara egokitutako gune desberdinekin: coworking-gunea 1. solairuan eta beste hiru gela 2. solairuan. Bertan, ordenagailuak daude erabilgarri eta espazio guztiek daukate interneterako konexioa, wifi edota kable bidez.
