"Irakurketa gozagarri" euskarako irakurketa kluba hilean behin batuko da, ostegunetan, 19:00etatik 20:30era. Lehen irakurketa urrian izango da eta Goiatz Labandibarren “Zoo” eleberria landuko da.
"Un capítulo más" gaztelerako irakurketa kluba ere hilean behin egingo da, asteazkenetan, 19:00etatik 20:30era. Lehen irakurketa “Hôzuki, la librería de Mitsuko” (Aki Shimazaki) izango da.
"Le salon des mots" frantseseko irakurketa kluba bi hilean behin egingo da, ostiraletan, 19:00etatik 20:30era. “Les hirondelles de Kaboul” (Yasmina Khadra) obrarekin ekingo diote urrian.
"Book Club" ingeleseko irakurketa kluba ere bi hilean behin egingo da, astearteetan, 19:00etatik 20:30era. “84, Charing Cross Road” (Helene Hanff) izango da irakurriko duten lehen lana.
"Viñetas" komikien irakurketa kluba hilean behin izango da, astearteetan, 19:00etatik 20:30era. Lehen komikia “Rosalie Blum” (Camile Jourdy) izango da.
"Entre líneas y emociones" adimen emozionaleko irakurketa kluba hilean behin egingo da, ostegunetan, 9:30etik 11:30era. “A solas: descubre el placer de estar contigo mismo” (Silvia Congost) landuko dute urrian.
Horiez gain, "La voz de la poesía" tailerrean eta 12-16 urteko gazteen "Komikizaleak" klubean izena emateko epea ere zabaldu dute. Poesia tailerrak hamar saio izango ditu eta larunbatetan izango da, 11:00etatik 12:30era. Gazteen komiki kluba, berriz, hilean behin izango da, astelehenetan, 18:30etik 19:30era.
20 plazara mugatuak
Talde bakoitza 20 lagunek osatuko dute gehienez. Beraz, interesa dutenek, lehenbailehen eman beharko dute izena liburutegira gerturatuta, 943 17 92 12 telefonora deituta, whatsapp bidez edo biblioteca@udalermua.net helbidera idatzita. Mezuan izen-abizenak, liburutegiko bazkide-txartelaren zenbakia, harremanetarako telefonoa eta helbide elektronikoa eman beharko dira.