Muztagh Ata (7546m) "Mendi elurtuen aita", Tibet iparraldeko ordokian kokatua, kilometroz eta ilusioz beteriko bidea da. 2014ko uztailaren 18a. Ametsari ekin genion Barajasetik Kasgarreko (Txina) aireporturaino. Han autobusez hartu gintuzten eta, zetaren bidean dagoen Karakorumeko errepidea zeharkatuz, lehen kanpamendu nagusira iritsi ginen, bertan
gainerako taldekideekin bizitzen hasi ginelarik.
Hara iristean izan genuen talka kulturala sorpresa positiboa izan zen. Uigur familia batek, bere bi seme-alabekin, egonaldi abegikorra eskaini zigun. Goizero, alabak ekarrita, ez zen lore-sortarik falta dendako atean, eta amak postreekin zuen adeitasunak oroitzapen ahaztezina utzi zidan.
Aklimatazioaren ondoren, bigarren kanpamendura iristean (6200 m), eguraldi txarraren iragarpena zela eta, tontorrera jotzea erabaki genuen hirugarren kanpamentuan atsedenik hartu gabe
1300m-ko desnibelaren azken ahaleginak gailurrera iristeko poza eman zigun.
Bidaia honetatik adiskidetasuna, ahalegina, hobetzeko griña eta nekez ahaztu ahal izango ditudan giza balio interkulturalak daramatzat.
Artarrairi nahi dizkiot eskerrak eman jendeari mendiarekiko hurbiltasuna, talde-bizikidetza eta gisa honetako helburuak lortzeko ilusioa ahalbidetzen baitio.