Irailaren 16tik 22ra bitartean, Mugikortasunaren Europako Astea ospatzen ari da Ermuan. Garraio publikoa, bizikleta eta oinezko joan-etorriak sustatu nahi dira, eta horretarako, ekintza desberdinak gauzatzen ari dira:
Eskolabarri ikastetxeko guraso eta irakasleek "Eskolara Oinez" ekimena jarri dute martxan, Herritarren Segurtasun Sailaren laguntzarekin.
Eskolara oinez joateko hautua egin duten ume, guraso eta tutoreak.
Ermuko ikastetxe guztietako LH3ko ikasleek mugikortasun jasangarriari buruzko tailerretan parte hartuko dute.
Mugikortasun jasangarria sustatzeko tailerretan egindako motxilak.
Ermuko Txirrindularien Elkarteak bizikleta-zirkuitu bat dinamizatuko du, bizikletaren erabilera sustatzeko helburuarekin, LH6ko ikasleei zuzendua.
Ermuko Txirrindulari elkarteak ikasleentzako ginkanak antolatzen dihardu eskolako patioetan eta Aritzmendi frontoian.
Igande eguerdian, 12:00etan, Ermuko kaleak zeharkatuko dituen martxa zikloturista egingo da, San Pelaiotik abiatuta. Ermuko Txirrindulari Elkarteak antolatuta, adin guztietako pertsonei irekita egongo da. Horrez gain, haur eta gazteentzako beste ginkana bat antolatuko da San Pelaion bertan, 11:00etan.
2024ko martxa zikloturistaren irteera.
Iaz bezala, martxa hasi aurretik (10:30etik aurrera) bizikletak konpontzeko eta egokitzeko tailerra egongo da, Kalapie elkartearen eskutik.
