Palestinarekin Elkartasuna plataformak manifestazio nazionala deitu du urriaren 4an, larunbata, Iruñean. Palestinar herriaren erresistentziarekin elkartasunezko ekimen hau Antoniutti parketik abiatuko da 12:00etan, eta Iruñeko etorbide nagusiak zeharkatuko ditu.
Bertara joan nahi duten ermuarrek bidaia autobusean egiteko aukera izango dute, Deba Bailarako Kontseilu Sozialistak antolatuta. Debatik etorriko den autobusa 10:10ean helduko da Kaltxangoko geralekura, eta 14:00etan bueltatuko da. Txartelak aurretik eskatu beharko dira, 675 12 90 10 telefonora deituta, eta 10 euroko prezioa izango dute. Autobusa Debatik irtengo da 9:30ean, eta Mendarotik (9:40an) eta Eibartik (10:00etan) igaroko da Ermura heldu baino lehen.
Antolatzaileen esanetan, manifestazioak bi helburu izango ditu: palestinar erresistentziari babesa ematea eta Israelen konplize diren gobernu, alderdi eta enpresak presionatzea.
