Dirulaguntzen zenbatekoa ikaslearen profilaren araberakoa izango da: ikasle estrategikoek, gazteek, ikasle bereziek eta oinarrizko erabiltzaileek matrikularen %100 jaso ahal izango dute; ikasle ohikoek, berriz, %50. Ordainketa ikastaroa gainditu ondoren egingo da.
Eskatzaileek baldintza hauek bete beharko dituzte:
- Ermuan erroldatuta egotea.
- Udalarekin zor ekonomikorik ez izatea.
- 2023-2024 edo 2024-2025 ikasturteetan matrikulatuta egotea edo izena emanda egotea.
- Azpimaila gainditzea (salbuespenak egon daitezke B2 eta C1 mailetan).
- Azken 5 urteetan azpimaila mailako laguntzarik jaso ez izana.
- %80ko asistentzia eta B2 maila lortu arte ikas-prozesuan jarraitzea.
Eskabidearekin batera, ondoko agiriak aurkeztu beharko dira: ikaslearen ibilbide orria (ikasle berrien kasuan ez da beharrezkoa), bankuko agiria eta matrikularen ordainagiria (Kaltxango AEK-ko ikasleek izan ezik). Horrez gain, hautazko dokumentuak ere onartuko dira, hala nola EABA agiria, errenta-aitorpena edo lan-agiria.
Eskaera egiteko epea urriaren 27an (astelehena) bukatuko da, eta dirulaguntzen ebazpena abenduaren amaieran argitaratuko da.