Bueltan dira Negulekuak eta gabonetako oporraldian ekintza pila egiteko aukera izango dute LH1etik LH6ra bitarteko umeek:
Abenduaren 24an, Negulekuen aurkezpena egingo da, eta Olentzero eta Maridomingiren bisita izango dute, 09:00etatik 13:30era.
Abenduaren 29an, hipika saioa egingo dute Berrizen, 09:00etatik 17:00etara.
Abenduaren 30ean, Ermuko Gabonetako Haur Parkean izango dira, eta eskulan tailerra izango dute, 09:00etatik 17:00etara.
Abenduaren 31n, Durangora joango dira, Landako Gunean muntatuko den izotz pistan patinatzera, 09:00etatik 13:30era.
Urtarrilaren 5ean, beste txango bat egingo dute: Zarautz-Getaria ibilbidea, 09:00etatik 17:00etara.
Jarduera guzti honek behin behineko egitaraua osatzen dute, aldaketak egon daitezke edo ekintza gehiago gehitu.
Izen-emateak 55 edo 44 euroan
Interesa dutenek, hurrengo pausuak jarraitu behar dituzte: Lehenengo, umeari dagokion tasa ordaindu beharko da Kutxabank-eko ES54 2095 4408 5091 1099 0751 kontu zenbakian; kontzeptuan 'Negulekuak + (umearen izen-abizenak)' jarriz. Matrikularen tasa arruntak 55 euroko kostua dauka; eta bi anaia-arreba apuntatzen dituztenek edo familia ugariko kide direnek 44 euro ordainduko dute plazako. Behin bankuko ordainketa agiria izanda, eskabidea egin ahalko da, fisikoki Abiapuntuko bulegoan edo online egoitza elektronikoan.